is-landsmot.is

Glæsilegasti hestur mótsins var valinn Dalur frá Háleggsstöðum setinn af

Barböru Wenzl sem sýndi frábæra reiðmennsku á honum á ísnum í dag. 

Nú er lokið frábæru Ís-landsmóti á Svínavatni. Veðrið var eins og best verður á kosið logn, þurrt, hiti um frostmark og ísinn aldrei betri. Allt gekk eins og best verður á kosið og hafið  heila þökk fyrir, keppendur,  starfsmenn, áhorfendur, og ekki síst styrktaraðilar sem gera okkur kleyft að hafa þetta eins veglegt mót og raun ber vitni. Sjáumst svo 2. mars á næsta ári kát og hress.

Ólafur Magnússon var efstur fyrir yfirferð í tölti en missti þá skeifu undan.

Logn ,þurrt, hiti um frostmark, ísinn aldrei betri!!

GÓÐA SKEMMTUN

Endanlegir ráslistar eru tilbúnir hér til vinstri.

Það eru rúmlega 100 skráningar og margt af sterkum hrossum.

Mótið byrjar stundvíslega kl. 10 á laugardagsmorgun á B-flokk síðan A-flokk og endar á tölti.

Veitingasala verður á staðnum, heitir drykkir, samlokur, pönnukökur, kleinur o.fl.

Ekki verður selt inn en skrár verða seldar á 500. kr.

Enn eru einhverjir að hafa áhyggjur af því að ísinn verði orðinn lélegur á laugardaginn þar sem nú er spáð nokkrum hita á föstudag og laugardag. Hann á eftir að vera nothæfur lengi enn og verður örugglega í góðu lagi þegar Karlareið Neista fer fram 10. mars. Eins og horfir nú er veðurspáin hagstæð og ætti snjóinn sem komið hefur seinustu daga að hafa tekið upp og vera gott færi á ísnum á laugardaginn.

Þar sem vel hefur gengið að fá styrktaraðila og áhugi fyrir mótinu

er mikill hefur verið ákveðið að auka verðlaunaféð þannig að það verði,

auk bikara fyrir átta efstu sætin í A og B flokkum

og opnum flokki í tölti,

100.000. kr. fyrir fyrsta sæti,

50.000. kr. fyrir annað sæti

25.000. kr. fyrir þriðja sæti.

Skráningar berist á netfangið This e-mail address is being protected from spambots. You need JavaScript enabled to view it í síðasta lagi þriðjudaginn 28. febrúar. Ekki verður tekið við skráningum eftir þann tíma. Eftirtalið þarf að koma fram: Keppnisgrein, kennitala knapa, og IS númer hests. Keppnisgreinar eru A-flokkur, B-flokkur og tölt. Skráningargjald eru 3.000. kr. á skráningu. Greiðist inn á reikning 0307 - 13 - 110496, kt. 480269-7139 í síðasta lagi þriðjudaginn 28. febrúar. Sendið kvittun á This e-mail address is being protected from spambots. You need JavaScript enabled to view it þar sem fram þarf að koma fyrir hvaða knapa og hest er verið að borga.

Ráslistar og aðrar upplýsingar verða birtar á heimasíðu mótsins þegar nær dregur.

Undirbúningur  mótsins er vel á veg kominn og verulegur áhugi er fyrir því. Helst eru menn að hafa áhyggjur af því hvort ísinn verði í lagi en það er óþarfi, hann hefur sjaldan eða aldrei verið betri. Ekki er enn hægt að lofa að það verði gott veður, en það er verið að vinna í því.

Þá er ljóst að aðal styrktaraðilar mótsins í ár eru:

Hrossaræktarbúið Sunnaholt sem býður upp á töltkeppnina.

Landsvirkjun sem býður upp á A flokkinn.

Hrossaræktarbúið Margrétarhof sem býður upp á B flokkinn.

Opið verður á Potturinn Restaurant á Blönduósi um helgina og boðið

upp á mat og drykk með tilheyrandi kráarstemmingu á kvöldin.

Einnig verður kaffihúsið Við árbakkann opið á sama tíma.

Dómarar: Valur Valsson og Pétur Vopni Sigurðsson

Þulur: Jón Kristófer Sigmarsson

Vallarstjóri: Indriði Karlsson

Tölvuvinnsla: Gunnar Ríkharðsson

Mótsstjóri: Ægir Sigurgeirsson

Fjármál: Björn Magnússon